बाजुरा ,जिल्ला अस्पताल बाजुरामा एक महिनादेखि बन्द रहेको अक्सिजन प्लान्ट पुनः सुचारु भएको छ । जिल्ला अस्पतालमा रहेको अक्सिजन प्लान्ट मेसिनमा समस्या आएपछि बन्द भएको सेवा पुनः सुचारु भएको हो ।

जिल्ला अस्पताल बाजुराका सूचना अधिकारी नृपराज गिरीले केहि दिनदेखि बिग्रिएको अक्सिजन प्लान्ट  मेसिन मर्मत र सिलिन्डर भरेपछि सेवा निरन्तर सुचारु भइरहेको छ । उनका अनुसार करिब एक महिनासम्म सेवा बन्द भएपनि मेसिन मर्मत गरेर दशैं अगाडि नै सुचारु भइसकेको छ ।

अस्पतालमा एक महिनासम्म अक्सिजन प्लान्ट बन्द हुँदा अक्सिजन लगाउनुपर्ने बिरामीहरुका लागि अछामको बयालपाटा अस्पतालबाट ल्याउनुपर्ने बाध्यता भएको थियो ।